This text example, entitled «Nestuwita:sultimk» was told by Grand Chief Gabriel Sylliboy, and was found in interlinear format in Micmac Texts. The original text is in the Lexicon orrthography and I have transliterated it into the Francis-Smith (with accents) and Listuguj orthographies as well.

Francis-Smith Orthography

Éye éye. Kís sáq nestuwitásultimk, Lnúk eykik Unamákik. Wejátekemkek Kɨlistópóq pekisinkek. Tujiw wejimikwitétasit tán koqowey tɨlásitew, tán tɨlitutew mimajuwaqan ké wékaw. Kɨlistópóq etlipkisink kissettánewimk, ná tami semiselewimk. Pekisink etlimewisultiyek; pkwimann, etliktantútitl mimajuwinúk, tán ulá kesikeweyl kispastaq. Kispasmítitl pkwimann wujjit kesikewey.

Na tujiw Kɨlistóp oqwát. Kɨlistóp oqwát, uti, oqwát. Teluwet, “Tett ikáq manasúlkw apaqtújk; apaqtuk.” Niké wikítítij apaqtuk. Uti, piltuwaptm tán koqowey. Oqotétut, amskwes nemitumk na tujiw manasúlkw. Éʼe, na paqasátóq kullpisunek. Wejkwinátaqamisukwit. Sawtaqátaqan, welipotjíj éwɨk. Wel na wejkwinátaqamisukwit. Qaskék ikáj, éya oqwasátoq wtul. Uti, kékwipukuwáʼij kunntew meskík etek, tett aklasiyewísit etuk.

Listuguj Orthography

E’ye e’ye. Gi’s sa’q nestuwita’sultimg, Lnu’g eygig Unama’gig. Weja’tegemgeg G’listo’po’q pegisingeg. Tujiw wejimigwite’tasit ta’n goqowey t’la’sitew, ta’n t’litutew mimajuwaqan ge’ we’gaw. G’listo’po’q etlipgising gissetta’newimg, na’ tami semiselewimg. Pegising etlimewisultiyeg; pgwimann, etligtantu’titl mimajuwinu’g, ta’n ula’ gesigeweyl gispastaq. Gispasmi’titl pgwimann wujjit gesigewey.

Na tujiw G’listo’p oqwa’t. G’listo’p oqwa’t, uti, oqwa’t. Teluwet, “Tett iga’q manasu’lgw apaqtu’jg; apaqtug.” Nige’ wigi’ti’tij apaqtug. Uti, piltuwaptm ta’n goqowey. Oqote’tut, amsgwes nemitumg na tujiw manasu’lgw. E’e, na paqasa’to’q gullpisuneg. Wejgwina’taqamisugwit. Sawtaqa’taqan, welipotji’j e’wɨg. Wel na wejgwina’taqamisugwit. Qasge’g iga’j, e’ya oqwasa’toq wtul. Uti, ge’gwipuguwa’ʼij gunntew mesgi’g eteg, tett aglasiyewi’sit etug.

Lexicon Orthography

E:ye e:ye. Ki:s sa:q nestuwita:sultimk, ’Lnu:k eykik Unama:kik. Weja:tekemkek K’listo:po:q pekisinkek. Tujiw wejimikwite:tasit ta:n koqowey t’la:sitew, ta:n t’litutew mimajuwaqan ke: we:kaw. K’listo:po:q etlipkisink kissetta:newimk, na: tami semiselewimk. Pekisink etlimewisultiyek; pkwimann, etliktantu:titl mimajuwinu:k, ta:n ula: kesikeweyl kispastaq. Kispasmi:titl pkwimann wujjit kesikewey.

Na tujiw K’listo:p oqwa:t. K’listo:p oqwa:t, uti, oqwa:t. Teluwet, “Tett ika:q manasu:lkw apaqtu:jk; apaqtuk.” Nike: wiki:ti:tij apaqtuk. Uti, piltuwaptm ta:n koqowey. Oqote:tut, amskwes nemitumk na tujiw manasu:lkw. E:’e, na paqasa:to:q kullpisunek. Wejkwina:taqamisukwit. Sawtaqa:taqan, welipotji:j e:w’k. Wel na wejkwina:taqamisukwit. Qaske:k ika:j, e:ya oqwasa:toq wtul. Uti, ke:kwipukuwa:ʼij kunntew meski:k etek, tett aklasiyewi:sit etuk.

Last Update: August 20, 2008