Below is an excerpt taken from the “Dogrib Overview” section of the book Doing Things the Right Way. The book is in English, and covers issues about Dene Traditional Justice.

Please note that some of the letters may not appear correctly on your screen if you are not using a relatively recent web browser. Please make sure you have the latest version and download a languagegeek font if necessary.

Dǫne edegha nàowoò gììt’į ts’įįwǫ įlè sìi ehkw’iats’įįwǫ hǫt’e nǫǫ̀. Nàowoò gììt’į įlè sìi diì gogha nàowoò gǫ̀hłį lanì, wet’à dǫne nezį ełexè nàdèe eyits’ǫ wet’à dǫ edehogihdi si gha hòèłį. Nàowoò xàɂa t’à agiat’į̀į sìi łą̀ą enįhtł’è k’e dek’enègįįtł’èe nile. Hanìkò diì nàowoò hǫ̀hłį lanì nàowoò xàɂa t’à gįįdà įlè, nàowoò wòhda dats’ǫ ełèht’e weghàladà, wòhda ełèht’e weghàladà-le eyits’ǫ dǫne hoìla hogehtsį sìi įhk’è hoìla nechà-le, ink’è hoìla nechà.

T’asìi hazhǫ nezį wek’èts’edìi nàowoò, dèe nezį wek’èts’edìi tich’aàdi, dèe k’e t’asìi dehshe, įk’ǫ eyits’ǫ dǫ si, hazhǫ nezį wek’èts’edìi sìi dǫne hazhǫ sìi nezį gik’èezhǫ, wet’aɂàa deè ne t’à, dǫne, tich’aàdi eyits’ǫ t’asìi gomoò whela sìi ełet’à eda ne t’à. Ełexè nàts’edèe nàowoò sìi hots’et’į nàowoò weta wheɂǫ hǫt’e, eyits’ǫ ǫhdah, cheko ayìi laà gits’ǫ ha sìi gha nàowoò gehtsį hǫt’e, nàowoò denahk’e wet’aɂàa dèe chekoa ghàgogehtǫ. Nǫdeè nįdè chekoa ededį t’asìi hazhǫ hogihdiì agede ha ne t’à.